Velkomin á heimasíðu Tónmenntaskóla Reykjavíkur.

Nú er skólaárinu lokið, útskrift nemenda og skólaslit voru föstudaginn 14. maí.  Við erum langt komin að undirbúa næsta skólaár, sem mun eins og þetta skólaár einkennast af aðhaldi og niðurskurði vegna samdráttar í opinberum framlögum.

Samt er það svo, að enn getur skólinn tekið við einhverjum nemendum og skal hér talið upp hverja við getum innritað fyrir skólaárið 2010 - 2011:

-     Nokkra nemendur fædda 2004 (6 ára) í Forskóla I.

-     Nemendur á aldrinum 8-10 ára sem eru teknir beint í hljóðfæranám án undangengins forskólanáms.  Þar er hægt að komast að á eftirtalin hljóðfæri:  Strengjahljóðfæri, þ.e. fiðlu, víólu, selló og gítar.  Einnig er innritað í fiðluforskóla (6-7 ára börn).  Nokkur pláss eru laus á píanó og harmóníku.  Að síðustu eru til pláss á ásláttarhljóðfæri (slagverk) og takmarkað pláss á þverflautu og klarinett.

Ef einhver óskar eftir að sækja um skólavist n.k. haust fyrir nemenda, vinsamlegast sendið bréf (ekki tölvupóst) þar sem fram kemur nafn nemanda og kennitala, nöfn foreldra og kennitala, heimilsifang, sími og gsm símar, einnig tölvupóstfang.  Ef barnið er 8 ára eða eldra tilgreinið hljóðfærið sem óskað er eftir að læra á.  6 ára börn innritarst í Forskóla I.

Það skal tekið skýrt fram, að til þess að umsóknin teljist gild er nauðsynlegt jafnframt að skrá nemandann á RAFRÆNA REYKJAVÍK (aðgangur fæst í þjónustugátt hjá borginni) og er þá nauðsynlegt að Tónmenntaskólinn sé settur í fyrsta val.

Vinsamlegast sendið umsóknina í pósti til skólans, Tónmenntaskóla Reykjavíkur, pósthólf 5171, 125 Reykjavík.

Haft verður samband við umsækjanda eftir að skrifstofa skólans opnar aftur eftir miðjan ágúst.

Skólastjóri.