Skólagjöld 2021-2022
eru eftirfarandi

  • Heilt nám kr. 190.000,-
  • Fiðluforskóli kr. 130.000,-
  • Píanóforskóli kr. 130.000,-
  • Sellóforskóli kr. 130.000,-
  • Forskóli kr. 90.000,-
  • Miðstöðin kr. 190.000,-
  • Hljóðfæraleiga kr. 18.500,-

Veittur er systkinaafsláttur, 20% af gjöldum 2. barns,  30% af gjöldum 3. og 4. barns

Tónlistarkennsla fyrir börn á grunnskólaaldri 6 – 15 ára.​

Boðið er upp á hljóðfæra- og tónfræðikennslu.

Tónmenntaskóli Reykjavíkur er ætlaður nemendum á grunnskólaaldri, 6-15 ára. Einstaka undantekningar eru gerðar á þessu fyrir 5 ára börn (hljóðfæra forskólar) og einnig tónlistarkennsla eldri nemenda í einstaka tilfellum.

Nemendur sem nú þegar stunda nám við skólann, systkini þeirra og þeir umsækjendur sem eiga lögheimili í Reykjavík fá forgang við skráningu í skólann. Framboð getur verið mismunandi eftir hljóðfærum.

Sótt er um í gegnum Rafræna Reykjavík.

Vinsamlega athugið að merkja við Tónmenntaskólann í 1 val.

Þegar nemandi fær boð um skólavist þarf hann að greiða 20.000 kr. staðfestingargjald, sem er óendurkræft. Sú upphæð dregst frá skólagjöldum viðkomandi þegar námið hefst.

Ganga þarf frá skólagjöldum við upphaf skólaárs. Skólagjöld eru innheimt með kröfum í heimabanka sem má skipta og greiða fyrri hlutann í ágúst en seinni hlutann eftir áramót í febrúar. Einnig er hægt að dreifa greiðslum á allt að 7 mánuði sé þess óskað

Hægt er að nota Frístundakort Reykjavíkurborgar til frádráttar á skólagjöldum, en einungis er hægt að ráðstafa styrknum á haustönn. Tónmenntaskóli Reykjavíkur nýtur fjárframlaga frá Reykjavíkurburborg.

Vinsamlega athugið að umsóknir færast ekki sjálfkrafa milli ára heldur þarf að sækja um á hverju ári. Opnað er fyrir umsóknir á Rafrænni Reykjavík í mars/apríli

Uppsögn á skólavist

Segja þarf upp námi með þriggja mánaða fyrirvara, þannig að ef nemandi hættir þarf að greiða fyrir þrjá mánuði eftir að uppsögn er tilkynnt. Uppsögn þarf að tilkynna til skrifstofu skólans skriflega.

Staðfesting á áframhaldandi skólavist

Í apríl, ár hvert, þurfa allir nemendur skólans að staðfesta áframhaldandi nám með því að greiða staðfestingagjaldið. Öðruvísi er ekki hægt að tryggja sér áframhaldandi vist í skólanum.

Hljóðfæri í útleigu

Skólinn leigir út hljóðfæri og er leigugjaldið kr. 18.500,-. Í leigusamningi sem forráðamenn nemenda undirrita er getið um leiguskilmála og ábyrgð leigutaka. Stundum koma fyrir slys og hljóðfæri skemmast. Skólinn er ekki tryggður fyrir þessu því hljóðfærin eru á ábyrgð leigutaka

Þegar um dýr hljóðfæri er að ræða eins og selló eða fiðlur þá bendum við foreldrum á að hægt er að skrá hljóðfærið inn í ykkar heimilistryggingu.

Allt venjulegt viðhald hljóðfæra er á ábyrgð skólans.

Skólinn endurgreiðir ekki hljóðfæraleigugjald.