Samþykki vegna myndatöku, myndbandsupptöku og birtingar myndefnis í starfi Tónmenntaskóla Reykjavíkur.
Til að uppfylla skyldur skv. lögum nr. 90/2018 um persónuvernd og vinnslu persónuupplýsinga aflar Tónmenntaskóli Reykjavíkur samþykkis forsjáraðila áður en teknar eru og birtar myndir og myndskeið úr skólastarfinu. Hér að neðan má lesa um hvernig við meðhöndlum myndefni og hvaða réttindi forsjáraðilar hafa.
Upplýsingar eru varðveittar með öruggum hætti og aðeins notaðar til að staðfesta samþykki.
Forsjáraðilar fá innsýn í hvernig myndefni er notað og í hvaða tilgangi.
Nemendur eru aldrei sýndir á ögrandi, niðrandi eða óviðeigandi hátt.
Þú getur hvenær sem er afturkallað samþykki þitt án skýringa.
Til að uppfylla skyldur skv. lögum nr. 90/2018 um persónuvernd og vinnslu persónuupplýsinga þarf Tónmenntaskóli Reykjavíkur að afla samþykkis forsjáraðila (foreldra eða forráðamanna), eða nemanda sjálfs sé hann lögráða, áður en teknar eru og birtar myndir og myndskeið úr skólastarfinu.
Tónmenntaskóli Reykjavíkur er ábyrgðaraðili vinnslunnar og mun fylgja gildandi lögum nr. 90/2018 um persónuvernd og vinnslu persónuupplýsinga við meðferð myndefnis.
Sem liður í starfi Tónmenntaskólans og til að veita forsjáraðilum innsýn í starfsemi skólans eru teknar ljósmyndir og myndbönd af nemendum í leik og starfi.
Tilgangurinn með myndatöku skólans og birtingu myndefnis er að upplýsa forsjáraðila um starf skólans og miðla eftir atvikum upplýsingum úr daglegu starfi til almennings og jafnframt fanga sögu skólans. Í þeim tilfellum þegar nemandi er lögráða einstaklingur eiga sambærileg sjónarmið við.
Myndefnið er almennt vistað í ljósmyndabanka Tónmenntaskóla Reykjavíkur. Myndefnið getur t.d. birst í starfi innan tónlistarskólans, á Facebook-síðu skólans og á vefsíðu hans.
Tónmenntaskólinn mun ekki birta myndefni af nemanda eftir að hann hættir í námi nema ef vera skyldi í sögulegu skyni.
Allt myndefni er varðveitt í samræmi við lög um opinber skjalasöfn nr. 77/2014. Almenn varðveisluskylda skjala skv. lögunum er 30 ár áður en þeim er skilað á Þjóðskjalasafn.
Þær upplýsingar sem þú veitir okkur verða varðveittar með öruggum hætti og ekki notaðar í neinum öðrum tilgangi en til að staðfesta að þú hafir veitt samþykki þitt.
Persónulegar upplýsingar eru hvorki sendar né myndum miðlað annað, t.d. til annarrar stofnunar, fyrirtækis eða annarra landa, án leyfis forráðamanna og eru varðveittar sem trúnaðarmál.
Um allar myndatökur, myndbandsupptökur og myndbirtingar gildir að gæta ber varúðar, nærgætni og siðgæðis. Nemendur munu aldrei vera sýndir á ögrandi, niðrandi eða óviðeigandi hátt, t.d. þannig að þeir séu vansælir eða í vandræðalegum aðstæðum.
Myndatökur og meðferð myndefnis úr skólastarfinu af hálfu foreldra og forsjáraðila eru á þeirra eigin ábyrgð og tekur samþykki þetta ekki til þess.
Þú getur hvenær sem er afturkallað samþykki þitt. Afturköllun samþykkis hefur ekki áhrif á lögmæti þeirrar myndatöku og myndbirtingar sem þegar hefur farið fram.
Forsjáraðili eða forsjáraðilar taka afstöðu til þess hvort heimilt sé að taka ljósmyndir og myndbönd af barni sínu og vinna með þeim hætti sem hér greinir.
Hafðu samband við skrifstofu skólans og við aðstoðum þig.