Tónmenntaskólinn verður með opið hús laugardaginn 5. apríl nk. milli kl.13 og 15.
Gestir og gangandi eru boðnir velkomnir inn í hið sögufræga hús Tónmenntaskólans „Franska spítalann“ við Lindargötu 51, til að kynna sér starfsemi skólans, en þar stunda rúmlega 170 börn á aldrinum 5-15 ára tónlistarnám. Kennt er á allskyns hljóðfæri í skólanum og verða þau til sýnis auk þess sem boðið verður m.a. upp á skapandi tónsmiðju, hljóðfærakynningar, ratleik og vöfflusölu til styrktar foreldrafélaginu!
Nemendur verða með tónlistaratriði á sal skólans á þriðju hæð og í bakhúsi á meðan á opna húsinu stendur. Auk þess heldur rytmadeild skólans „Miðstöðin“ uppi fjöri á miðhæð hússins með tónleikum kl. 13:30 og 14:10.
Skólinn vonast til að sjá sem flesta til að að fagna saman vorinu.
