Egill Gunnarsson lærði á gítar hjá Snorra Snorrasyni, tónsmíð hjá Snorra Sigfúsi Birgissyni og Hauki Tómassyni og söng hjá Elísabetu Erlingsdóttur og Rut L. Magnússon við Tónlistarskólann í Reykjavík 1985-98. Árið 2000 flutti hann til Ítalíu þar sem hann tók frekara nám í tónsmíðum hjá Giovanni Verrando í Scuola civica di musica í Mílanó. Hann sótti einnig námskeið í raftónlist og kvikmyndatónlist og sótti meistaranámskeið í tónsmíðum hjá Alessandro Solbiati, Luca Francesconi, Claudio Ambrosini og fleirum. Síðan hann kom heim til Íslands hefur hann starfað sem kórstjóri, söngvari, kennari, tónskáld og útsetjari. Hann er reyndur kórstjóri og stór hluti verka hans er saminn fyrir rödd, bæði einsöngslög og kórlög, sú stærsta er messa fyrir kór og kammersveit á vegum Dómkórsins í Reykjavík árið 2010. Hann er einnig afkastamikill útsetjari tónlistar, allt frá klassískri til þjóðlaga- og popptónlistar (heimild: https://shop.mic.is/people/egill-gunnarsson).
