Leonard Bernstein (25. ágúst 1918 – 14. október 1990) var bandarískur hljómsveitarstjóri, tónskáld, píanóleikari, tónlistarkennari og rithöfundur m.m. Sem einn merkustu hljómsveitarstjóra á sínum tíma var hann jafnframt fyrsti bandaríski hljómsveitarstjórinn sem hlaut alþjóðlega viðurkenningu. Samkvæmt tónlistargagnrýnandanum Donal Henahan var hann „einn undraverðasti, hæfileikaríkasti og farsælasti tónlistarmaður í sögu Bandaríkjanna“.
Sem tónskáld skrifaði hann í mörgum stílum, þar á meðal sinfóníur og hljómsveitartónlist, ballett-, kvikmynda- og leikhústónlist, kórverk, óperu, kammertónlist og verk fyrir píanó. Þekktasta verk hans er Broadway söngleikurinn West Side Story, sem er enn fluttur reglulega um allan heim og var gerður að Óskarsverðlaunaleik.
Bernstein var fyrsti bandaríski stjórnandinn (sem fæddist í Bandaríkjunum) sem stýrði bandarískri hljómsveit. Hann var tónlistarstjóri Fílharmóníunnar í New York og stjórnaði helstu hljómsveitum heims og eftir hann liggur fjöldi hljóð- og myndupptaka. Bernstein var flinkur píanóleikari og stjórnaði hann oft píanókonsertum frá hljómborðinu.
Bernstein var fyrsti hljómsveitarstjórinn sem miðlaði tónlist í sjónvarpsþáttum. Með tugum innlendra og alþjóðlegra útsendinga, þar á meðal Emmy-verðlaunahátíðar ungs fólks með New York Philharmonic, gerði hann jafnvel flókna þætti klassískrar tónlistar að ævintýri þar sem allir gætu tekið þátt. Með fræðsluátaki sínu, þar á meðal nokkrum bókum og stofnun tveggja helstu alþjóðlegra tónlistarhátíða, hafði hann áhrif á nokkrar kynslóðir ungra tónlistarmanna.
Bernstein vann ævilangt að mannúðarstörfum og vann til stuðnings borgaralegum réttindum; mótmælti Víetnamstríðinu; beitti sér fyrir kjarnorkuafvopnun; safnaði fé til HIV rannsókna og vitundarvakningar og tók þátt í mörgum alþjóðlegum átaksverkefnum í þágu mannréttinda og heimsfriðar. Undir lok ævi sinnar stjórnaði hann sögulegum flutningi á 9. sinfóníu L.v Beethoven í Berlín til að fagna falli Berlínarmúrsins. Tónleikunum var sjónvarpað beint um allan heim á aðfangadag, 1989.
Bernstein hlaut mörg verðlaun, þar á meðal 11 Emmy verðlaun, ein Tony verðlaun, 17 Grammy verðlaun, þar á meðal Lifetime Achievement og Kennedy Center Honor.
