Sérstakur fiðluforskóli er starfræktur fyrir fimm til sjö ára börn með það að markmiði að gefa  börnum á þessum aldri, sem eru enn ekki læs á nótur, tækifæri til að kynnast fiðlunni, læra einföldustu lög eftir eyranu og grundvallartækni á hljóðfærið.

Kennt er tvisvar í viku;  einkatími í um 30 mínútur og hóptími (tveir nemendur saman) þar sem hvert barn fær um 15 mínútna kennslu.

Þeir nemendur sem eru að hefja þriðja árið í fiðluforskóla (sjö ára) fá tvo 30 mínútna einkatíma í viku og geta þar að auki stundað hóptíma í forskóla II (2 x 50 mín. á viku) án aukakostnaðar.

Ef nemandi kýs að hætta í fiðluforskólanum sex eða sjö ára gamall getur hann farið í venjulegan forskóla.

Þar sem nemendur í fiðluforskóla eru mjög ungir að árum má segja að nám þeirra standi eða falli með stuðningi og þátttöku foreldra.  Því eru gerðar kröfur um að annað foreldrið mæti í tíma með barninu og að unnið sé með því heima.