Janúar 2016

006

 

Þá eru hátíðarhöld að baki og vorönnin framundan. Skammdegið er smátt og smátt að víkja og kominn nýr kraftur í lífið, bæði í námi og leik.

Ýmislegt er framundan í starfsemi skólans. Er þá fyrst að nefna Forskólatónleikana eða hljóðfærakynningartónleikana, þar sem börn sem læra á hljóðfæri spila fyrir nemendur í Forskóla ll og kynna hljóðfærin sín. Eru öll hljóðfæri sem kennt er á í skólanum kynnt á þennan hátt.  Þetta á að auðvelda forskólanemendum að velja sér hljóðfæri þegar (og ef) þeir sækja um skólavist síðar í vor fyrir næsta skólaár. Þessir tónleikar verða laugardaginn 6. Febrúar kl. 11:30 og eru eingöngu fyrir nemendur í Forskóla ll og aðstandendur þeirra.Tónleikastaður er í skólanum, Lindagötu 51, í salnum á 2. hæð.

Nú erum við búin að missa TÓNLEIKASALINN sem við höfðum til afnota í Listaháskóla Íslands, þ.e. SÖLVHÓL  við Skúlagötu / Klapparstíg. En okkur hefur tekist að finna mjög góðan tónleikasal í staðinn. Sá heitir SNORRABÚÐ, og er tónleikasalur Söngskólans í Reykjavík. Söngskólinn í Reykjavík er við Snorrabraut 54, stór og myndarleg bygging sem hýsti áður Osta- og Smjörsöluna í Reykjavík. SNORRABÚÐ er sérbygging með aðkeyrslu frá Snorrabraut og er salurinn EKKI í aðalbyggingunni heldur sérbygging á vinstri hönd eftir að keyrt er inn frá Snorrabraut. Þar eru einnig ágætis bílastæði.

Dagana 15. og 16. febrúar verða haldin stigspróf, bæði innanhúspróf og próf á vegum Prófanefndar Tónlistarskólanna.  Miðvikudaginn 10. febrúar (Öskudag) er starfsdagur kennara og fellur þá öll kennsla niður. Fimmtudag og föstudag 25. og 26. febrúar er vetrarfrí eins og í flestum grunnskólum borgarinnar og þá daga fellur einnig niður öll kennsla.

Páskaleyfi í skólanum er frá mánudegi 21. mars til mánudags 28. mars að báðum dögunum meðtöldum.

Helgina 16. -17. apríl verða haldnir „blandaðir“ tónleikar í Snorrabúð, þar sem allir hljóðfæranemendur skólans koma fram.

Vortónleikar skólans þ.e. opinberir vortónleikar verða síðan haldnir laugardaginn 7. maí í Snorrabúð.

Stigspróf (innanhúspróf) og áfangapróf á vegum Prófanefndar Tónlistarskólanna verða haldin í maí,

dagana  2. – 3. maí og 17. – 19. maí.

 

Síðasti dagur tónfræðikennslunnar (hóptímanna) verður fimmtudagur 5. maí, en síðasti dagur hljóðfærakennslunnar verður föstudagur 13. maí.

Útskrift nemenda og skólaslit verða föstudaginn 27. maí.

Fleiri fréttir

Jólatónleikar

Jólatónleikar skólans verða laugardaginn 10. desember kl. 14 í Bústaðakirkju. Á þeim tónleikum spila ekki allir nemendur skólans en hins vegar eru allir velkomnir að koma og hlusta.

Lesa meira

Masterclass – Svana Víkingsdóttir

Fimmtudaginn 10. nóvember kl.18 – 20, mun skólinn fá góðan gest í heimsókn en þá ætlar Svana Víkingsdóttir að halda masterclass fyrir píanónemendur. Svana hefur áratuga reynslu af píanókennslu en hún hefur m.a. kennt við MÍT og FÍH. Við hvetjum

Lesa meira

Haustfrí

Haustfrí er í Tónmenntaskólanum dagana 19. – 25. október að báðum dögum meðtöldum.

Lesa meira

Spuna námskeið

Nemendum í 4. – 8. bekk Tónmenntaskólans er boðið upp á námskeið í spuna undir handleiðslu Catherine Maríu Stankiewicz.Námskeiðið er kynning að grunnþekkingu í spuna með tónsköpun að leiðarljósi. Leitast er eftir að þjálfa með nemendum meðvitund og næmni, jafnt

Lesa meira

Skólapeysur – skólapeysur

Næstu tvær vikurnar (12. – 25. sept) stendur foreldrafélagið sem fyrr fyrir sölu á skólapeysunum sívinsælu, en þar gefst tækifæri til að kaupa peysur með merki skólans.Fyrir framan biðstofu skólans má sjá eintök af peysunum í mismunandi stærðum. Þar liggur

Lesa meira

Starfsdagar 8. og 9. sept.

Vegna starfsdaga og endurmenntunar kennara fellur kennsla niður fimmtudag 8. sept. og föstudag 9. sept. Starfsdagar eru hluti af vinnuskyldu kennara og eru nokkrir yfir árið. Þessa daga verða kennarar á ráðstefnunni „Tónlist fyrir alla“ sem haldin er í tilefni 40 ára afmælis

Lesa meira

Skólastarf hefst

Skrifstofa Tónmenntaskólans hefur opnað á ný eftir sumarleyfi og er hún opin alla virka daga milli kl. 13-16. Hljóðfærakennsla og kennsla í fiðlu-, selló- og píanóforskóla hefst frá og með fimmtudeginum 25. ágúst.  Kennsla í tónfræði og almennum forskóla hefst

Lesa meira

Sumarlokun / Skólabyrjun

Skrifstofa skólans er lokuð fram til 15. ágúst. Ef erindið er brýnt sendið tölvupóst á tms@tonmenntaskoli.is Fyrsti kennsludagur verður fimmtudagurinn 25. ágúst.

Lesa meira

Síðustu kennsludagar / Vortónleikar

Síðasti dagur tónfræðikennslunnar: Föstudagur 13. maí Síðasti dagur forskóla I og forskóla II: Miðvikudagur 18. maí Síðasti dagur hljóðfærakennslunnar: Föstudagur 20. maí VORTÓNLEIKAR : Laugardaginn 21. maí kl.11 í IÐNÓ, allir velkomnir á meðan húsrúm leyfir.

Lesa meira

Add Your Heading Text Here